ኢብኑ ከሲር የቁርአን ሂፍዝ ማዕከል 128 የቁርአን ሃፊዞቹን በደማቅ ሁኔታ አስመረቀ

Posted on May 22, 2016

አስደሳች ዜና ፍትህ ራዲዬ

ፍትህ ራዲዬ/ግንቦት 13/2008

በአዲስ አበባ በጉልለሌ ክ/ከተማ በሼህ ሆጀሌ መስጂ ቅጥር ግቢ ውስጥ የሚገኘው የኢብኑ ከሲር ቁረአን ሂፍዝ ማዕከል ለ 2 አመት ሲያስተምራቸው የቆውን ተማሪዎቹን በዛሬው ዕለት እሁድ ግንቦት 14 በአምባሳደር ቲያትር አዳራሽ ማስመረን የፍትህ ራዲዬ ባልደረቦች ዘግበዋል፡፡

ኢብኑ ከሲር የቁርአን ሂፍዝ ማዕከል በዘንድሮ አመት ሲያስመርቅ ለ4 ኛ ጊዜ መሆኑ የተገለፀ ሲሆን ከተመራቂ ተማሪዎቹ መካከል የማዕከሉ የመጀመሪያ ሴት ተመራቂዎች እንደሚገኙበት ታውቋል፡፡

36 የሚሆኑት ሙስሊም ሴቶች በማዕከሉ የሂፍዝ ትምህርታቸውን በመከታተል ባሳለፍነው እሁድ ለሴቶች ብቻ የምረቃ ስነ ስርአት በመዘጋጃ አዳራሽ ማካሄዱ ይታወሳል.፡፡

በዚህ ልዩ የምረቃ ፕሮግራም ላይ ታላቁ አሊም ዶ/ር ጀይላን ኸድርን ፣ሼህ ሀሚድ ሙሳ እና ሌሎችም ኡለሞች እና ዱዓቶች መካፈላቸው ታውቋል፡፡

የዛሬው የምረቃ ስነ ስርአት ልዩ እና ደማቅ የነበረ ሲሆን ከዚህ ቀደም የኢብኑ ከሲር ቁርአን ሂፍዝ ማዕከል ተመራቂ ተማሪ የነበረ ወንድም በሌላ ከተማ የኢብኑ ከሲርን ቅርንጫፍ በመክፈት ተማሪዎችን በመሰብሰብ ቁርአን በማሳፈዝ ለዛሬው የምረቃ ስነ ስርአትማብቃቱ ተገልፆል፡፡ የኢብኑ ከሲር ሂፍዝ ማዕከል ከሼህ ሆጀሌ መስጂድ በተጨማሪ ሊገነባ ላሰበው የቁርአን ሂፍዝ ማዕከል ግንባት የሚሆን የገቢ ማሰባሰቢያ የተካሄደ ሲሆን በሼህ ሆጀሌ መስጂድ የተገነባውን ዘመናዊ ህንፃ ወጪውን በመሸፈን እና መአታዊ የተማሪዎቹን...

ኢብኑ ሰኪር የቁርአን ሂፍዝ ማዕከል የፊታችን እሁድ በአምባሳደር ቲያትር አዳራሽ ቁርአን ሃፊዞቹን እንደሚያስመርቅ አስታወቀ

Posted on May 20, 2016

ፍትህ ራዲዬ/ግንቦት 12/2008 በአዲስ አበባ በጉልለሌ ክ/ከተማ በሼህ ሆጀሌ መስጂ ቅጥር ግቢ ውስጥ የሚገኘው የኢብኑ ከሲር ቁረአን ሂፍዝ ማዕከል ለ 2 አመት ሲያስተምራቸው የቆውን ተማሪዎቹን የፊታን እሁድ ግንቦት 14 ሊያስመርቅ መሆኑን የፍትህ ራዲዬ ባልደረቦች ዘግበዋል፡፡

ኢብኑ ከሲር የቁርአን ሂፍዝ ማዕከል በዘንድሮ አመት ሲያስመርቅ ለ4 ኛ ጊዜ መሆኑ የተገለፀ ሲሆን ከተመራቂ ተማሪዎቹ መካከል የማዕከሉ የመጀመሪያ ሴት ተመራቂዎች እንደሚገኙበት ታውቋል፡፡

36 የሚሆኑት ሙስሊም ሴቶች በማዕከሉ የሂፍዝ ትምህርታቸውን በመከታተል ባሳለፍነው እሁድ ለሴቶች ብቻ የምረቃ ስነ ስርአት በመዘጋጃ አዳራሽ መካሄዱ የሚታወቅ ሲሆን የፊታችን እሁድ ደግሞ በአምባሳደር አዳራሽ ሁሉንም ተማሪዎቹን በደመቀ ሁኔታ እንደሚያስመርቅ ታውቋል፡፡

የቁርአን ወር የሆነው ታላቁ የረመዳን ወር ሊገባ ጥቂት ቀናት በቀሩበት በዚህ ወቅት የዚህ መሰሉ የቁርአን ሂፍዝ ፕሮግራም በመዲናችን አዲስ አበባ መካሄዱ ልዩ ስሜት እንደሚፈጠር የተገለጸ ሲሆን በዚህ ልዩ የቁርአን ሃፊዞች ምረቃ ፕሮግራም ላይ ሙስሊሙ እንዲካፈል ጥሪ መቅረቡ ተዘግቧል፡፡

በምረቃ ስነ ስርአቱ ላይ ተመራቂዎቹ በሚመስጥ ድምፃቸውን ቁርአንን በመቅራት ለታደሚያን የሚያሰሙ ሲሆን ሌሎች አስተማሪ እና አስደማሚ ፕሮግራሞች መካተታቸው ታውቋል፡፡

በዚህ ልዩ ፕሮግራም ላይ ሙስሊሙ ማህበረሰብ ልጆችን በመያዝ ይህን ልዩ የቁርአን ሂፍዝ ምረቃት እንዲካፈል ጥሪ የቀረበ ሲሆን ፕሮግራሙም ከጠዋቱ 2.30 ጀምሮ...

በአንድ ብር አንድ ታሳሪ ወገንን እናስፈጥር በሚል መርህ በድር ኢትዬጲያ ታላቅ ዘመቻ መጀመሩን አስታወቀ

Posted on May 16, 2016

ፍትህ ራዲዬ/ግንቦት 8/2008

መቀመጫውን ሰሜን አሜሪካ ያደረገው ከኢትዬጲያ ውጪ የሚገኙ ሙስሊም ኮሚኒቲዎችን አቅፎ የያዘው ግዙፉ የሙስሊም ኢትዬጲያውያን ድርጅት የሆነው በድር ኢትዬጲያ ከፊታችን እየመጣ የሚገኘውን የታላቁ የረመደን ወር በማስመልከት በሃገር ቤት በእስር ላይ የሚገኙ ሙስሊሞችን ወሩን ሙሉ ለማስፈጠር ታላቅ የገቢ ማሰባሰቢያ ዘመቻ መጀመሩን አስታውቋል፡

በድር ኢትዬጲያ በስሩ ባቀፍቸው እህት ኮሚኒቲዎች ጋር በመሆን ለ ኢፍጣር አገልግሎት የሚውል የገንዘብ እርዳታ እንዲሰበሰብ ጥሪ ያቀረበ ሲሆን ኮሚኒቲዎችም የበኩላቸውን ለመወጣት ገንዘብ እያሰባሰቡ መሆናቸውን የፍትህ ራዲዬ ባልደረቦች ዘግበዋል፡፡

በትግሉ ሰበብ በየእስር ቤቱ ወድቀው ለሚገኙ ሙስሊሞች የታላቁ የረመዳን ወርን በማስፈጠር ሙስሊሙ አጋርነቱን እንዲያሳይ በማሰብ በአንድ ብር አንድ ታሳሪ ወገንን እናስፈጥር በሚል መሪ ቃል ታላቅ የገቢ ማሰባሰቢያ እየተካሄደ መሆኑን በድር ኢትዬጲያ አስታውቋል፡፡

ይህ ዘመቻ ሃገር ውስጥ ከሚገኙ ወንድሞች እና ኮሚቴዎች ጋር በመመካከር የተጀመረ መሆኑን የተገለፀ ሲሆን በየ እስር ቤቱ በግፍ ለታሰሩ ኮሚቴዎቻችን እና ወንድሞችን ለማስፈጠር እንዲሁም ከሰላማዊ ትግሉ ጋር በተያያዘ አገር ለቀው ለተሰደዱ ወንድሞቻችን እና ኡስታዞች ቤተሰቦች የሚውል መሆኑን በድር ኢትዬጲያ አስታውቋል፡፡

በዚህ ታላቅ ዘመቻ ላይ አንድ ታሳሪን ወሩን ሙሉ ለማስፈጠር 30 ዶላር ብቻ የሚፈጅ ሲሆን በዚህ ታላቅ አላማ አንግቦት በተነሳ ተግባር ላይ ሁሉም...

ሶስቱ አፄዎች እና ኢትዬጲያን ሙስሊሞች (ትግልና መስዋትነት)የተሰኘው የኡስታዝ አህመዲን ጀበል መፅሃፍ በደማቅ ሁኔታ በግብፅ ካይሮ ተመረቀ

Posted on May 15, 2016

ፍትህ ራዲዬ/ግንቦት 6/2008

በእስር ላይ በሚገኘው በህዝበ ሙስሊሙ መፍትሄ አፈላላጊ ኮሚቴ አባል እና በታሪክ ምሀሩ ኡስታዝ አህመዲን ጀበል የተዘጋጀው ሶስቱ አፄዎች እና ኢትዬጲያን ሙስሊሞች (ትግልና መስዋትነት)የተሰኘው መፅሃፍ በግብፅ ካይሮ በትላንትነው ዕለት ጁምዓ ግንቦት 5 በደማቅ ሁኔታ መመረቁን የፍትህ ራዲዬ ባልደረቦች ዘግበዋል፡፡

ከሃገር ማዶ ለመጀመሪያ ጊዜ በሳኡዲ አረቢያ በሪያድ ከተማ የተመረቀ ሲሆን በቀጣይም በተለያዩ ሃገራቶች እና ከተሞች መመረቁ ይታወቃል፡፡

በግብፅ ካይሮ በተካሄደው የምረቃ ስነ ስርአት ላይ በርካታ ቁጥር ያላቸው በግብፅ የሚኖሩ ኢትዬጲያውያን ሙስሊሞች የተካፈሉ ሲሆን ኡስታዝ አህመዲን ጀበል በእስር ላይ ሆኖ ይህን የመሰለ ታሪካዊ መፅሀፍት በማበርከቱ አጋርነታቸውን ለማሳየት መፅሃፉን ማስመረቃቸውን አዘጋጆቹ ለፍትህ ራዲዬ ገልፀዋል፡፡

በዝግጅቱ ላይ የአህመዲን ጀበል አዲሱ መፅሃፍ ሽፋን የሰፈረበት ትልቅ ኬክ የቀረበ ሲሆን በፕሮግራሙ ተካፈሉት ሙስሊም ኢትዬጲያውያን በእስር ላይ ላሉት ኮሚቴዎች እና ለትግሉ ያላቸውን አጋነት አሳይተዋል፡፡

በዝግጅቱ ላይ የተሳተፉት ሙስሊሞች ድምፃችን ይሰማ ፣ኮሚቴው የኛ ነው፣እኛም ኮሚቴው ነን የሚሉ መፈክሮችን በማሰማት ለትግሉ ያላቸውን አጋርነት የገለፁ ሲሆን የሙስሊሙ ኢትዬጲያውያን መብት እስኪከበር ድረስ ከሰላማዊ ትግሉ ጎን እንደሚቆሙ ገልፀዋል፡፡

በፕሮግራሙ ላይ የተለያዩ ጠቃሚ መልዕክቶችን ለታዳሚያ የተላለፉ ሲሆን መፅሃፉንም ሙስሊሙ ሁሉም ገዝቶ...

የየቲሞች አባት ኡስታዝ ኑሩ ቱርኪ በሙሉ ጤንነት ላይ እንደሚገኝ ታወቀ

Posted on May 13, 2016

ፍትህ ራዲዬ/ግንቦት 5/2008

በኡስታዝ አቡበከር አህመድ የክስ መዝገብ ተከሶ የ 7 አመት የግፍ እስራት የተበየነበት ኡስታዝ ኑሩ ቱርኪ በዝዋይ ማረሚያ ቤት ከደህንቶች ተልዕኮ በተሰጠው ታሳሪ ግለሰብ በመቆፈሪያ አንገቱን ከተወጋ ቡሃላ በአንገቱ ላይ ከደረሰበት ጉዳት በአሁኑ ወቅት አገግሞ በጥሩ ሁኔታ ላይ እንደሚገኝ የፍትህ ራዲዬ ባልደረቦች ዘግበዋል፡፡

ኡስታዝ ኑሩ ቱርኪ በህግ ጥላ ስር ሆኖ የዚህ መሰሉ ጥቃት ስለደረሰበት ውስጥ እስካሁን እንዳዘነ መሆኑን ባለቤቱ ለፍትህ ራዲዬ የገለፀች ሲሆን የዚህ መሰሉ ጥቃት ቢፈፀምበትም ቀድሞ የነበረው ወኔ እና ሞራል ጨምሮለታል እንጂ አልቀነሰም ስትል ባለቤቱ ተናግራለች፡፡

የዝዋይ ማረሚያ ቤት ጉዳዩን እያጣራን ነው ቢሉም እስካሁን የደረሱበትን ውጤት ያላሳወቁ ሲሆን በማረሚያ ቤቱ የሚገኙ እስረኞችን በወቅቱ ለማረጋጋት ጥቃት ፈፃሚውን የእምሮ ችግር ያለበት ነው ማለታቸው ይታወሳል፡፡

ኡስታዝ ኑሩ ቱርኪ አንገቱ ላይ ደርሶበት የነበረው ጉዳት በአሁኑ ሰአት ሙሉ በሙሉ የተሻለው መሆኑን የታወቀ ሲሆን ሙሉ አፊያወ እንዲመለስለት ህዝበ ሙስሊሙ በዱዓ ላገዘው በሙሉ ምስጋናውን አቅርቧል፡፡

በዝዋይ ማረሚያ ቤት ኡስታዝ ኑሩ ቱርኪ እስረኞች ለታላቁ የረመዳን ወር ዝግጅት እንዲያደርጉ የተለያዩ ነገሮችን እያደረገ መሆኑ የተገለጸ ሲሆን የግድያ ሙከራ ከተደረገበትም በኋላ በፊት ሲተገብራቸው የነበሩ መልካም ስራዎቹን አጠናክሮ መቀጠሉ ታውቋል፡፡

የኑሩ ቱርኪ ባለቤቱ እና ቤተሰቡ በማረሚያ ቤቱ...

ከኮፈሌ ከተማ በሻሸመኔ ማረሚያ ቤት ሳይፈቱ በግፍ ታስረው የነበሩት አምስት ሙስሊሞች መፈታታቸው ተዘገበ

Posted on May 12, 2016

ፍትህ ራዲዬ/ግንቦት 4/2008

በአሮሚያ ክልል በኮፈሌ ከተማ መንግስት በሙስሊሙ ላይ የወሰደውን ጅምላ ጭፍጨፋ ተከትሎ ለአመታት በእስር ሲሰቃዩ የነበሩት 5 ንፁሃን ሙስሊሞች በዛሬው ዕለት ከእስር መለቀቃችን የፍትህ ራዲዬ ባልደቦች ዘግበዋል፡፡

ከሁለት አመት በፊት በሃምሌ 27 መንግስት በከተማዋ ሙስሊሞች ላይ ጥይት በመተኮስ በርካቶችን መግደሉ እና ማቁሰሉ የሚታወስ ሲሆን የተፈጠረውን ረብሻ ተከትሎም በርካቶች ወደ እስር ቤት መጓዛቸው የሚታወስ ነው፡፡

በሼህ መሀመድ ሃጂ አብደላህ የክስ መዝገብ 32 ሙስሊሞች ተከሰው በሻሸመኔ ማረሚያ ቤት ሆነው ጉዳያቸውን ሲከታተሉ ከቆዩ ቡሃላ በ24ቱ ሙስሊሞች ላይ የጥፋተኝነት ብይን በማስተላለፍ የእስራት ብይን ሲያስተላልፍ ቀሪዎቹ 8 ሙስሊሞች ደግሞ በነፃ እንዲሰናበቱ ተደርጎ ነበር፡፡

በመቀጠልም ባሳፍነው ጊዜ አዲስ አመቱን ምክንያት በማድረግ በሚል በሻሸመኔ ማረሚያ ቤት ታስረው ይገኙ ከነበሩት 24 የኮፈሌ ከተማ ነዋሪ ሙስሊሞችን ማከከል 19 የሚሆኑትን በምህረት በሚል የተፈቱ ሲሆን ቀሪዎቹ አምስቶቹ እስከዛሬ ሳይፈቱ መቆየታቸው ታውቋል፡፡

በዛሬው ዕለት ሳይፈቱ የቀሩ የነበሩት 5 ሙስሊሞች ከእስር የተለቀቁ ሲሆን የሻሸመኔ ከተማ ህዝበ ሙስሊምም ወደ ማረሚያ ቤቱ በመሄድ ደማቅ አቀባበል እንዳደረገላቸው ታውቋል፡፡

በዛሬው ዕለት ከተፈቱት 5 ሙስሊሞች መከከል ሁለቱ ወንድማማቾች ሂኮ ኑሬ እና ገመቹ ኑሬ የሚገኙበት ሲሆን ሌሎቹ ደግሞ ሙስጠፋ ከድር፣፣ሼህ አደም ከድር እና አቡዲ በጣሶ...

በሼህ ኑሩ ግድያ ለተወነጀሉት የደሴ ከተማ ሙስሊሞች ወንድም ኤልያስ ከድር እና ዩሱፍ መሐመድ የምስክር ቃላቸውን ለፍርድ ቤቱ ሰጡ

Posted on May 12, 2016

ፍትህ ራዲዬ/ግንቦት 4/2008

ከደሴ ከተማ በሽብር ወንጀል ተከሰው የመከላከያ ምስክራቸውን ለፍርድ ቤቱ እያስደመጡ የሚገኙት 13ቱ ደሴ ከተማ ሙስሊሞች በዛሬው ዕለት ግንቦት 4 ሁለት ምስክሮቹን ለፌደራሉ ከፍተኛው ፍርድ ቤት 19ኛው ወንጀል ችሎት ማስደመጣቸውን ፍትህ ራዲዬ ባልደረቦች ዘግበዋል፡፡

በትላንትናው ችሎት የዞን 9 ጦማሪ የሆነውን በፍቃዱ ዘሃይሉ ፍርድ ቤት በመቅረብ ለተከሳሽ እስማኤል ሃሰን የመከላከያ ምስክር በመሆን የቀረበ ሲሆን ለተከሳሽ ኢብራም ደግሞ መሐመድ አህመድ የተባለ ምስክር ቀርቦ የምስከር ቃሉን ማሰማቱን መዘገባችን ይታወሳል፡፡

ፍርድ ቤቱ በትላንትናው ችሎት ሁለት የመከላከያ ምስክሮችን ካደመጠ በኋላ ቀጣይ ምስክሮችን ለማድመጥ ለዛሬ ግንቦት 4 ተለዋጭ ቀነ ቀጠሮ ሰጥቶ የነበረ ሲሆን በዛሬው ችሎትም ሁለት ምስክሮች ፍርድ ቤት መቅረባቸው ተዘግቧል፡፡

በዛሬው ችሎት በሽብር ወንጀል ተከሶ በሃሰት 7 አመት የተፈረደበት ወንድም ኤልያስ ከድር ፍርድ ቤት በመቅረብ ለደሴ ተከሳሾች ለኡመር እና ለከማል በማዕከላዊ ስለነበሩበት ስቃይ እና መከራ እንዲሁም ሌሎች ተከሾችን በሃሰት በነሱ ላይ እንዲመሰክሩባቸው መርማሪዎቹ ሲያስገድዷቸው እንደነበር የምስክር ቃል መስጠቱን የፍትህ ራዲዬ ባልደረቦች ዘግበዋል፡፡

አቃቤ ህጉም መስቀለኛ ጥያቄዎችን ለወንድም ኤልያስ ከድር ያቀረበ ሲሆን ኤልያስ ከድርም ለቀረበለት መስቀለኛ ጥያቄ ሁሉ በተገቢው መልኩ ምላሽ መስጠቱ ታውቋል፡፡

ሁለተኛው ምስክር ሆኖ የቀረበው ዩሱፍ...