በአዲስ አበባ የሚገኘውን የአሊፍ መስጂድን ለመታደግ በተደረገው ርብርብ የሚፈለገው የገንዘብ መጠን መገኘቱ ተገለፀ

Posted on Apr 2, 2017

በአዲስ አበባ የሚገኘውን የአሊፍ መስጂድን ለመታደግ በተደረገው ርብርብ የሚፈለገው የገንዘብ መጠን መገኘቱ ተገለፀ ፍትህ ራዲዬ/ መጋቢት 24/2009 ۩○◙◙○◙◙○◙◙○◙◙○۩ በአዲስ አበባ በኡራኤል እና ባምቢስ አካባቢ የሚገኘው አሊፍ መስጂድ ቦታውን ባለቤቶቹ ለመሸጥ በማሰባቸው ምክንያት መስጂዱን በመስጂድነት ለማስቀጠል በተደረገው ርብርብ የመስጂዱን ቦታ ለመግዛት የተጠየቀው ገንዘብ ሙሉ ለሙሉ መሟላቱን አስተባባሪዎቹ አስታውቋል፡፡ መስጂዱ በአቅም እጥረት ምክንያት መዘጋቱን የአካባቢው ሙስሊሞች መግለፃቸው የሚታወቅ ሲሆን መስጂን በመስጂድነት ለማስቀጠል ቤቱን ለመግዛት በተደረገው ጥረት ሙሉ ወጪው በህዝበ ሙስሊሙ መዋጮ ሊሸፈን መቻሉ ተዘግቧል፡፡ አሊፍ መስጂድ የግል መኖሪያ ቤትን በክራይነትን በመጠቀም ለረጅም አመታት ሙስሊሙን ማህበረሰብ ሲያገለግል የቆየ ሲሆን በርካታ ህፃናትም ቁርአን ሲቀሩበት እና ሲማሩበት የነበረ መስጂድ መሆኑ ይታወቃ፤፡፡ ይህን መስጂድ ያከራዩት ግለሰቦች ቤቱን መሸጥ በመፈለጋቸው እና መስጂዱን ለመግዛትን የአካባቢው ሙስሊሞች አቅም ስላጠራቸው መስጂዱ መዘጋቱ ይታወቃል ይህ መስጂድ ለ 15 አመታት ያህል ሙስሊሙ ሲጠቀምበት የቆየ ሲሆን መስጂዱ ባለቤት ይዞታ እንዲቀጥል ለመስጂዱ አከራዬች የቤቱን ሽያጭ ሙሉ ገንዘብ በመክፈል መስጂዱን በድጋሚ ማስቀጠል የሚቻልበት ደረጃ ላይ መደረሱ ተገልፆል፡፡ ይህን ተክትሎ መስጂዱን ለመግዛት 4.5ሚሊዬን ብር የተጠየቀ ሲሆን በሙስሊሙ ማህበረሰብ ርብርብ የተጠየቀው ሙሉ ገንዘብ መሰብሰብ መቻሉን አስተባባሪዎቹ ገልፀዋል፡፡ የመስጂዱ ቦታ ባለቤቶች ሙሉውን ክፍያ...

የየቲሞች አባት በመባል የሚታወቀው ኡስታዝ አብዱልፈታህ ሙስጠፋን ጨምሮ8 ሙስሊም ወንድሞች ክስ ተመስርቶባቸው ፍ/ቤት መቅረባቸው ተዘገበ

Posted on Mar 31, 2017

ሰበር ዜና ፍትህ ራዲዬ የየቲሞች አባት በመባል የሚታወቀው ኡስታዝ አብዱልፈታህ ሙስጠፋን ጨምሮ8 ሙስሊም ወንድሞች ክስ ተመስርቶባቸው ፍ/ቤት መቅረባቸው ተዘገበ ፍትህ ራዲዬ/ መጋቢት 22/2009 ۩○◙◙○◙◙○◙◙○◙◙○۩ በአዲስ አበባ በአዲስ ክ/ከተማ በሚገኘው በባዩሽ እና በፈትህ አባቦራ መስጂድ ዙሪያ ሲንቀሰቀቀሱ የነበሩ 8 ሙስሊም ወንድሞች ክስ ተመስርቶባቸው ፍርድ ቤት መቅረባቸውን የፍትህ ራዲዬ ባልደረቦች ዘግበዋል፡፡ የየቲሞች አባት በመባል የሚታወቀው ኡስታዝ አብዱልፈታህ ሙስጠፋን ጨምሮ ሌሎች 7 ሙስሊሞች በአንድ የክስ መዝገብ መከሰሳቸው የታወቀ ሲሆን አቃቤ ህጉ በፌደራሉ የመጀመሪያው ደረጃ ፍርድ ቤት አዲስ ከተማ ምድብ ችሎት ክሱን እንዳቀረበባቸው ታውቋል፡፡ አቃቤ ህጉ በአንድ የክስ መዝገብ ውስጥ 3 ክሶችን ያካተተ ሲሆን ክስ 1 ፣ክስ 2 እና ክስ 3 በሚል እንደከፋፈለው ጠበቃቸው አቶ ሙስጠፋ ለፍትህ ራዲዬ ገልፆል፡፡ በክስ 1 ላይ ከ1ኛ ተከሳሽ እስከ 4ኛ ተከሳሾች የተካተቱ ሲሆን በክስ 2 ላይ ደግሞ 5ኛ፣6ኛ እና 7ኛ ተከሳሾች መካተታቸው ታውቋል፡፡ በክስ ሶስት ላይ ለብቻው የየቲሞች አባት በመባል የሚታወቀው ኡስታዝ አብዱልፈታህ ሙስጠፋ እንደተካተተበት ተዘግቧል፡፡ አቃቤ ህጉ በክስ አንድ ላይ ከ ለአመትከ 8 ወር በፊት ማለትም 14/8/2007 በተለምዶ አደሬ ሰፈር ተብሎ በሚታወቀው አካባቢ መንግስትን በሃይል መገልበጥ አለብን፣ኢስላማዊ መንግስት መመስረት አለብን፣ኮሚቴው ይፈታ የሚል ሐሰተኛ ወሬ በማሰራጨት ህዝቡን ቀስቀሰዋል በሚል በኢፌደሪ የወንጀል መቅጫ ህገ ደንብ አንቀፅ 32 ንዑስ ሀ እና...

በኮምቦልቻ ከተማ የሚገኙ ኢስላማዊ መፅሃፍት ቤቶች የተውሂድ ኪታቦችን እንዳይሸጡ በአህባሾች መከልከላቸው ተገለፀ

Posted on Mar 30, 2017

በኮምቦልቻ ከተማ የሚገኙ ኢስላማዊ መፅሃፍት ቤቶች የተውሂድ ኪታቦችን እንዳይሸጡ በአህባሾች መከልከላቸው ተገለፀ ፍትህ ራዲዬ/ መጋቢት 21/2009 ۩○◙◙○◙◙○◙◙○◙◙○۩ በአማራ ክልል በደቡብ ወሎ ዞን በኮምቦልቻ ከተማ ውስጥ የሚገኙ የተለያዩ ኢስላማዊ መፅሃፍት መሸጫ ቤቶች የተውሂድ መፅሃፍቶችን እንዳይሸጡ በአህባሾች መከልከላቸውን የፍትህ ራዲዬ ባልደረቦች ዘግበዋል፡፡ አህበሽ መራሹ መጅሊስ በኮምቦልቻ የሚደረገውን ኢስላማዊ እንቅስቃሴ ሁሉ በመንግስት ድጋፍ እየተቆጣጠረ እንደሚገኝ የተገለጸ ሲሆን በከተማው ያሉ መስጂዶችን በጉልበት ከህዝበ ሙስሊሙ ከነጠቁ ቡሃላ አሁን ደግሞ የተወሰኑ ሁሉንም ኢስላማዊ መፅሃፍቶችን ለሙስሊሙ ማህበረሰብ እንዳይሸጡ መከልከላቸውን ተሰምቷል፡ በኮምቦልቻ ከተማ የሚገኙ ኢስላማዊ መፅሃፍት ቤቶች የተውሂድ መፅሃፍቶችን እንዳይሸጡ የተከለከሉ ሲሆን ከነዚህም መካከል ኡሱሉ ሰላሳ፣ኪታቡ ተውሂድ፣ኢርሻድ፣አቂደቱል ዋሲጢያ፣ከሽፈ ሹብሃት እና ሌሎች የተውሂድ እና የሱና መፅሃፍቶች እንዳይሸጡ መታገዳቸው ተዘግቧል፡፡ እነዚህን መሰል መፅሀፎች ሲሸጥ የተገኘ ለፖሊስ ተጠቁሞበት በእስራት እንደሚቀጣ ያስፈራሩ ሲሆን መፅሃፍ ቤቱም ሊታሸግባቸው እንደሚችል እንዳስጠነቀቋቸው ተዘግቧል፡ ከተውሂድ መፅሃፍቶች በተጨማሪ በሃገራችን የሚገኙ የተለያዩ ተወዳጅ ዳዒዎች እና ኡለሞች ያቀረቧቸውን ሙሃደራዎች የያዙ ካሴቶች እና ሲዲዎች እንዳይሸጡ እንደተነገራቸው ታውቋል፡፡ ከመፅሃፍት እና ከሲዲ በተጨማሪ አፍሪካ ቲቪን አትመልከቱ በሚል በየመስጂዱ ቅስቀሳ የሚደረግ ሲሆን አፍሪካ ቲቪ የካፊሮች ቲቪ በመሆኑ ልትመለከቱ...

ከሃርቡ ከተማ በግፍ ታስረው በዋስ የተፈቱት ሙስሊሞች በፍትህ እጦት እየተንገላቱ እንደሚገኙ ተገለፀ

Posted on Mar 30, 2017

ከሃርቡ ከተማ በግፍ ታስረው በዋስ የተፈቱት ሙስሊሞች በፍትህ እጦት እየተንገላቱ እንደሚገኙ ተገለፀ ፍትህ ራዲዬ/ መጋቢት 21/2009 ۩○◙◙○◙◙○◙◙○◙◙○۩ በአማራ ክልል በደቡብ ወሎ ዞን በሃርቡ ከተማ በግፍ ታስረው በከፍተኛ የዋስ ገንዘብ የተፈቱት ሙስሊሞች በፍትህ እጦት እስካሁን እየተንገላቱ መሆናቸውን የፍትህ ራዲዬ ባልደረቦች ዘግበዋል፡፡ የሃርቡ ከተማ ሙስሊም ወጣቶቹ በህዳር 24/2008 በግፍ ለእስራት ተዳርገው የነበረ ሲሆን በኮምቦልቻ ከተማ ማረሚያ ቤትም ለብዙ ወራት በእስር ስቃይ ማሳለፋቸው ይታወሳል፡፤ እነዚህ ሙስሊሞች ከፍተኛ የገንዘብ ዋስ እንዲያሲዙ በማድረግ ከእስር እንዲፈቱ መደረጉ የሚታወስ ሲሆን ጉዳያቸው እስካሁን እልባት ሳያገኝ ፍርድ ቤት እየተመላለሱ እንደሚገኙ ተዘግቧል፡፡ ከ 15ሺህ እስከ 25ሺህ ብር የሚደርስ የዋስ ማሲያዣ ተጠይቀው ከእስር የተለቀቁት እነዚህ ሙስሊም ወንድሞች በደሴ ከተማ ከፍተኛው ፍርድ ቤት እየተመላለሱ እንደሚገኙ ታውቋል፡፡ አቃቤ ህጉ ላቀረበባች ክስ ያስረዱልኛል ያላቸውን ምስክሮች ለፍርድ ቤቱ እንዲያቀርብ ተደጋጋሚ ቀነ ቀጠሮ ሲሰጠው የቆየ ሲሆን እስካሁን ድረስ ሊያቀርብ አለመቻሉ ተዘግቧል፡፡ አቃቤ ህጉ ቀነ ቀጠሮ በደረሰ ቁጥር ምስክሮቼን አላገኘዋቸውም የሚል ምክንያት በማቅረብ ተለዋጭ ቀጠሮ እንዲሰጠው እያደረገ ሲሆን በግፍ የተወነጀሉት የሃርቡ ከተማ ሙስሊሞችም ከሃርቡ ወደ ደሴ በመመላለስ ጉዳያቸውን ለመከታተል እየተንከራተተ መሆናቸውን የፍትህ ራዲዬ ባልደረቦች ዘግበዋል፡፡

በሳኡዲ አረቢያ ህጋዊ የመኖሪያ ፈቃድ የሌላቸው ዜጎች ያለቅጣት ወደሃገራቸው በሰላም እንዲመለሱ የ3ወር የምህረት ጊዜ መሰጠቱ ተገለፀ

Posted on Mar 21, 2017

በሳኡዲ አረቢያ ህጋዊ የመኖሪያ ፈቃድ የሌላቸው ዜጎች ያለቅጣት ወደሃገራቸው በሰላም እንዲመለሱ የ3ወር የምህረት ጊዜ መሰጠቱ ተገለፀ

ፍትህ ራዲዬ/ መጋቢት 12/2009 ۩○◙◙○◙◙○◙◙○◙◙○۩

በሳኡዲ አረቢያ በተለያዩ መንገዶች ወደ ሃገሪቷ የገቡ እና የመኖሪያ ፈቃዳቸው በተለያዩ ምክንያቶች የተበላሹባቸው የውጪ ሃገር ዜጎች ቅጣት ሳይጣልባቸው በሰላም ወደሃገራቸው እንዲመለሱ የ 3 ወር የምህረት ጊዜ መሰጠቱን የሃገሪቷ አልጋ ወራሽ ይፋ ማድረጋቸው ተዘግቧል፡፡

የሳውዲ ዓረቢያ አልጋ ወራሽ መሐመድ ብን ናይፍ ከንጉስ ሰልማን ባገኙት ይሁንታ መሰረት ከህገ ወጥ ነዋሪዎች ነፃ የሆነች ሃገር በሚል ሃገራዊ መፈክር ህገ ወጦችን የማጥራት ዘመቻ ለማካሄድ መሉ ዝግጅት አድርገው መጨረሻቸውን አስታውቋል፡፡

ለሶስት ወራት የተሰጠው የምህረት አዋጅ ዋና አላማው የስራ እና የመኖሪያ ፈቃድን ህግ የመተላለፍ ችግር ማስወገድ፤ድንበርን ማስከበር፤በህገ ወጥነታቸው ምክንያት ቅጣት ለሚገባቸው የተለያዩ ሃገር ዜጎችን ይቅርታ በማድረግ ያለቅጣት ወደሃገራቸው እንዲመለሱ ለማድረግ መሆኑ ተገልፆል፡፡

አዋጁ እንደሚያትተው ከሆነ ይህንን መልካም አጋጣሚ በመጠቀም በህገወጥ ሲኖሩ የነበሩ የተለያዩ ዜጎች ከመጪው ዕሮብ ረጀብ 1/1438 ዓመተ ሂጅራ ወይም ማርች 29/2017 ጀምሮ በ 90 ቀናቶች ውስጥ ጉዳያቸውን ጨርሰው በሰላም ወደሃገራቸው እንዲመለሱ ጥሪ ቀርቧል

ጉዳዩ ለሚመለከታቸው የመንግስት አካላቶችም በዚህ ጊዜ ውስጥ ሳውዲን ለቀው ለሚወጡ የተለያዩ ሃገር ዜጎዝ...

የወልዲያ ሰላም መስጂድ የጥበቃ ሰራተኞች ዋሃቢያ ናችሁ በሚል በአህባሽ መራሹ መጅሊስ ከስራ መባረራቸው ተዘገበ

Posted on Mar 13, 2017

የወልዲያ ሰላም መስጂድ የጥበቃ ሰራተኞች ዋሃቢያ ናችሁ በሚል በአህባሽ መራሹ መጅሊስ ከስራ መባረራቸው ተዘገበ ፍትህ ራዲዬ/ መጋቢት4/2009 ۩○◙◙○◙◙○◙◙○◙◙○۩ በአማራ ክልል በሰሜን ወሎ ዞን በወልዲያ ከተማ የሚገኘው ታላቁ የሰላም መስጂድ የጥበቃ ሰራተኞች ዋሃቢያ ናችሁ በሚል ከስራቸው መፈናቀላቸውን የፍትህ ራዲዬ ባልደረቦች ዘግበዋል፡፡ በወልዲያ ከተማ ከአወልያ ቀጥሎ ግዙፉ የሙስሊሙ ተቋም የነበረው የወልዲያ መስጂዶች እና ትምህርት ቤቶች ማዕከል በመንግስት አስገዳጅነት ለአህባሾች እንዲሰጥ ከተደረገ በኋላ በስሩ ያሉትን ተቋሞች እያዳከሙት እንደሚገኙ የሚታወቅ ሲሆን ከተቋሙ ስር የነበረው የሰላም መስጂድንም ሙሉ ለሙሉ በአህባሾች ቁጥጥር ስር ለማድረግ ከፍተኛ እንቅስቃሴ እያደረጉ መሆናቸው ተዘግቧል፡፡ አህባሽ መራሹ የዞኑ እና የከተማው መጅሊሶች በተደጋጋሚ የመስጂዱን ኢማም ለመቀየር አቅደው ሳይሳካላቸው የቀረ ሲሆን በመስጂዱም በየአመቱ ረመዳን በመጣ ቁጥር አህባሾች ዳዕዋ እናደርጋለን በሚል ከኮምቦልቻ ከተማ እንደሚመጡ ይታወቃል፡፡ የመስጂዱን አስተዳደር ከሙስሊሙ ቢነጥቁም መስጂዱን በአህባሾች አስተምህሮ የተበከለ ለማድረግ የሚያደርጉት ሙከራ እስካሁን ሊሳካ ባለመቻሉ ከመስጂዱ ጥበቃ ሰራተኞች በመጀመር ኸዲሞቹን እና ኢማሞቹን ከመስጂዱ ለማባረር እየተንቀሳቀሱ መሆናቸው ታውቋል፡፡ የወልዲያ ከተማ ህገ ወጡ መጅሊስ ሰብሳቢ በሆነው አቶ ሰይድ ኢድሪስ አማካኝነት ለረጅም አመታት የወልዲያ ሰላም መስጂድን በጥበቃ ሰራተኝነት ሲያገለግሉ የነበሩ 3 የጥበቃ ሰራተኞችን ዋሃቢያ ናችሁ በሚል ከስራቸው እንዲባረሩ...

በኮምቦልቻ ከተማ በተቅዋ መስጂድ ቂርዓት የሚቀሩ ደረሶችን ዋሃቢ ካፊር በማለት በሙህዲን የሚመሩት አህባሾች እያባረሯቸው መሆኑ ተገለፀ

Posted on Mar 10, 2017

በኮምቦልቻ ከተማ በተቅዋ መስጂድ ቂርዓት የሚቀሩ ደረሶችን ዋሃቢ ካፊር በማለት በሙህዲን የሚመሩት አህባሾች እያባረሯቸው መሆኑ ተገለፀ ፍትህ ራዲዬ/ መጋቢት1/2009 ۩○◙◙○◙◙○◙◙○◙◙○۩ በአማራ ክልል በደቡብ ወሎ ዞን በኮምቦልቻ ከተማ ኢልም በመቅራት ላይ የነበሩ ደረሶችን ዋሃቢያ ናችሁ በሚል ከቂርአን ቦታ እንዲባረሩ እያደረጉ መሆናቸውን ከዚህ ቀም መዘገባችን የሚታወስ ሲሆን አሁን ደግሞ በርበሬ ወንዝ ወይንም ተቅዋ መስጂድ ተብሎ በሚጠራው መስጂድ ሲቀሩ የነበሩ ደረሶችን ዋሃቢ ካፊር በማለት ከቂርአት ቦታው እንዲርቁ እየተደረጉ መሆናቸውን የአካባቢው ነዋሪዎች ለፍትህ ራዲዬ ገልፀዋል፡፡ በተቅዋ መስጂድ ሼህ አህመድ ከተባሉ አሊም ቂርአት ቀርተው ሲወጡ የነበሩ ደረሶችን አህባሾች ተከትለዋቸው በመውጣት ዋሃቢ ካፊር፣ከዋሃቢነቱ ካፈርነቱ በማለት እየተሳደቡ እና ድንጋይ እየወረወሩ ደረሶቹን ሲያባርሩ እንደነብ ተዘግቧል፡፡ የተቅዋ መስጂድ ከዚህ ቀደም በአህለል ሱናዎች እጅ የነበረ ጠንካራ የሱና መስጂድ የነበረረ ሱሆን በአሁኑ ወቅት በመንግስት ድጋፍ መስጂዱ ለአህባሾች በግዳጅ ከሙስሊሙ ተነጥቆ መሰጠቱ ይታወቃል፡፡ መስጂዱ በኮምቦልቻ ከተማ ደረሶችን በማሸማቀቅ እና በማሳሰር በሚታወቀው ሙህዲን በሚባለው ፅንፈኛ የአህባሽ አቀንቃኝ ቡድኖች ቁጥጥር ስር መሆኑ የሚታወቅ ሲሆን በመስጂዱ በሼህ አህመድ ቂርአት የሚቀሩ ደረሶችን ካፊሮች ናችሁ በማለት ድንጋይ እየወረወሩ ከመስጂዱ እንዲርቁ ለማድረግ እየተንቀሳቀሱ መሆናቸው ተዘግቧል፡፡ ከዚህ ቀደም በኮምቦልቻ ከተማ ቀንደኛ የአህባሽ አቀንቃኝ የሆኑት አቶ ሙህዲን እና አቶ...