በይግባኝ የእስር ቅጣታቸው  ወደ 3አመት ከ 4ወር የተቀነሰላቸው     የወልቂጤዎቹ አብዱልአዚዝ ፈትሁዲን እና ፋሩቅ ሰኢድ  ከአእስር መፈታታቸው ተገለፀ

ፍትህ ራዲዬ/ ጥር 14/2009
۩ ○◙◙○◙◙○◙◙○◙◙○ ۩
ከአዲስ አበባ እና ከወልቂጤ ከተማ ተይዘው በኤልያስ ከድር የክስ መዝገብ በሽብር ወንጀል ተከሰው ከ 3 አመታት በላይ በግፍ እስር እና ስቃይ ያሳለፉት ወንድሞች ባቀረቡት ይግባኝ መሰረት ተበይኖባቸው የነበረው የ 7 አመት ግፍ እስራት ወደ 3 አመት ከ 4 ወራት ዝቅ እንዲል በተወሰነላቸው መሰረት 10 የሚሆኑት ከእስር ሲለቀቁ ከወልቂጤ ከተማ የታሰሩት 2 ሙስሊሞች ደግሞ እስከዛሬ ሳይፈቱ መቆየታቸው ይታወሳል፡፡
ፍርድ ቤቱ የቅጣት ውሳኔውን ዝቅ ካደረገላቸው ቡኋላ የተያዙበት ቀን ታሳቢ እየተደረገ ከእስር እንደሚለቀቁ መገለፁ የሚታወስ ሲሆን በዚሁ መሰረትም ወንድም አብዱልአዚዝ ፈትሁዲን እና ፋሩቅ ሰኢድ የተበየነባቸውን የ 3 አመት ከአራት ወር እስራት ጨርሰው በዛሬው እለት መፈታታቸውን የፍትህ ራዲዬ ባልደረቦች ዘግበዋል፡፡
ከወልቂጤ ከተማ ተይዘው ለእስር ከተዳረጉት ሙስሊም ወንድሞች መካከል ሶስት የሚሆኑት በቃሊቲ ማረሚያ ቤት በእስር ላይ እንደነበሩ የሚታወቅ ሲሆን ወንድም ጃፈር ዲጋ ከቀናት በፊት ሲፈታ የተቀሩት ሁለቱ ወንድሞችም በዛሬው እለት ተፈተው ከቤተሰባቸው ጋር መቀላቀላቸው ተዘግቧል፡፡
አልሃምዱሊላህ

ተጨማሪ ምስል